Երբ բիզնեսը մեծանում է, ղեկավարի համար գնալով ավելի դժվար է դառնում հասկանալ ընկերության իրական վիճակը։ Տվյալները ցրված են տարբեր տեղերում՝ հաշվապահական 1C-ում, Excel ֆայլերում, բանկային քաղվածքներում, Google Analytics-ում և CRM-ում։ Ամեն ամիս հաշվետվություններ հավաքելը տևում է օրեր։ Լուծումը միասնական Բիզնես Վահանակն է (Executive Dashboard)։
Dashboard-ը վիզուալ հարթակ է, որտեղ միավորվում են բիզնեսի բոլոր առանցքային ցուցանիշները (KPI)։ Ղեկավարը, բացելով համակարգիչը կամ պլանշետը, մեկ էկրանին տեսնում է՝ որքա՞ն է այսօրվա շրջանառությունը, քանի՞ նոր հաճախորդ է եկել, որո՞նք են ամենաշատ վաճառվող ապրանքները և որքա՞ն դեբիտորական պարտք կա։
Մարքեթինգի տեսանկյունից վահանակը թույլ է տալիս տեսնել գովազդի իրական արդյունավետությունը (End-to-End Analytics)․ ոչ միայն այն, թե քանի հոգի է սեղմել գովազդին, այլ թե այդ գովազդից եկածներից քանիսն են ի վերջո գումար վճարել։ Սա թույլ է տալիս կտրել անարդյունավետ գովազդային ծախսերը և ուժեղացնել աշխատող ուղղությունները։
Custom Dashboard-ները, ի տարբերություն ստանդարտ գործիքների, ստեղծվում են հենց ձեր ընկերության ֆինանսական և օպերացիոն մոդելին համապատասխան՝ ապահովելով տվյալների գաղտնիությունն ու ակնթարթային թարմացումը։